ഇത്തവണ വായനദിനത്തിന് സാമൂഹ്യസശാസ്ത്രക്ലബ് ഒരു പ്രശ്നോത്തരി നടത്തി. പഴയകാല പുസ്തകങ്ങളെക്കുറിച്ചും കഴിഞ്ഞ കൊല്ലം ക്ലബ് നടത്തിയ 'നാടിനൊപ്പം ഭാഷയ്ക്കൊപ്പം' എന്ന പരിപാടിയെയും അടിസ്ഥാനമാക്കിയുമായിരുന്നു ചോദ്യങ്ങൾ. ഞാൻ മുൻകാലങ്ങളിൽ സാമൂഹ്യശാസ്ത്ര ക്ലബിന്റെ പരിപാടികളിൽ പങ്കെടുത്തിരുന്നു. അതുകൊണ്ട് ചില ചോദ്യങ്ങളുടെ ഉത്തരങ്ങൾ അറിയാമായിരുന്നു. ചോദ്യോത്തര പരിപാടിയിൽ പങ്കെടുത്തതുകൊണ്ട് ഒട്ടേറെ പ്രാചീന പുസ്തകങ്ങൾ പരിചയപ്പെടാനും കൂടുതൽ അറിവ് നേടാനും കഴിഞ്ഞു. മത്സരത്തിൽ ഒന്നാം സ്ഥാനം പത്താം ക്ലാസ്സിലെ അനാമികച്ചേച്ചിക്കായിരുന്നു. രണ്ടാം സ്ഥാനം എനിക്കാണ് ലഭിച്ചത്. മൂന്നാം സ്ഥാനം പത്തിലെ നൈമച്ചേച്ചിക്കും എന്റെ ക്ലാസ്സിലെ അസ്നയ്ക്കും ഒൻപതാം ക്ലാസ്സിലെ ചന്ദനയ്ക്കുമാണ്. നമുക്ക് അഞ്ചുപേർക്കും വ്യത്യസ്തമായ സമ്മാനമാണ് ലഭിച്ചത്. എന്താണെന്നു വച്ചാൽ പുസ്തകങ്ങൾ ഡിജിറ്റൈസ് ചെയ്യുന്നതിനുള്ള ഒരു സോഫ്റ്റ്വെയറിലുള്ള പരിശീലനമായിരുന്ന് അത്. പുസ്തകനിർമ്മാണത്തിന്റെ ഭാഗമായി ഞങ്ങൾ അഞ്ചുപേരും അത് പരിശീലിക്കുകയാണിപ്പോൾ. അതിലുപരി പുസ്തകങ്ങളെക്കുറിച്ചും സാമൂഹ്യചുറ്റുപാടിനെക്കുറിച്ചും ലഭിച്ച അറിവാണ് എനിക്ക് ഏറെ സന്തോഷം പകർന്നത്.
സാധിക എസ്. എ.8 ബി
No comments:
Post a Comment